साउन ७ तक लकडाउन, ‘एसएमएस’ अनिवार्य


सरकारं लकडाउनया आःया मोडलयात साउन ७ गतेतक निरन्तरता बीत्यंगु दु । मन्त्रिपरिषदया सोमबाःया मुँज्यां आःया मोडलया लकडाउनयात निरन्तरता बीगु क्वःछ्यूगु दु ।

साउन ७ तक सार्वजनिक सवारी साधन न्ह्याइमखुसा निजी सवारीसाधन जोर विजोर प्रणालीइ न्ह्याइ ।

उद्दार बाहेकया फुक्क हवाई उडान बन्द जुइ । ब्वनेकुथि व शैक्षिक संस्थात बन्द जुइ ।

सभा समारोह, प्रदर्शन याये दैमखुसा सिनेमा हल, डान्सबार, पुस्तकालय, संग्रहालय, पुचलय् म्हितिगु कासा, स्वीमिङ पुल नं चायेके दैमखु । सरकारं फ्याःगु २० गु बाहेक मेगु अन्तर्राष्ट्रिय सीमा नाका नं बन्द जुइ ।

रेस्टुरेन्टत प्याकिङ व टेक अवे सेवा बी कथं चायेके दैसा क्वारेन्टिन देकातःगु बाहेकया होटलत बन्द जुइ ।

‘एसएमएस’ अनिवार्य

मुँज्यां एसएमएस अनिवार्य याःगु दु । सोसल डिस्ट्यान्स, मास्क व स्यानिटाइजरयात कडाईपूर्वक लागू यायेगु निर्णय याःगु दु ।

Share on Google Plus

News: Newa News

    छ्याता
    फेसबुक छ्याता