येँ महानगरपालिकाया बजेट १६ अर्व ४२ करोड


येँ महानगरपालिकाया वैगु आर्थिक बर्ष २०७७–०७८ या लागि १६ अर्व ४२ करोड ७३ लाख २६ हजारया अनुमानित बजेट व ज्याझ्वः सार्वजनिक याःगु दु ।

येँ महानगरपालिकाया उपप्रमुख हरिप्रभा खड्गी श्रेष्ठं उगु रकम बराबरया बजेट नगरसभाया न्हेक्वःगु अधिवेशनय् न्ह्यब्वयादिल ।

बजेटय् आर्थिक बिकास लागाया नितिं १७ करोड २३ लाख बिनियोजन यानातःगु दु । थ्व बजेटया १ दशमलम ५ प्रतिशत खः ।  अथेहे ज्याझ्वः सञ्चालन व प्रशासनिक लागाया नितिं १ अर्ब ७८ करोड २७ लाख ५० हजार बिनियोजन याःगु दु । थ्व कुल बजेटया १० दशमलब ८५ प्रतिशत खः । 

अथेहे येँ महानगरपालिकां पूर्वाधार बिकास लागाया नितिं ८ अर्ब ४३ करोड ४३ लाख ७१ हजार (५१.३४ प्रतिशत)या बजेट बिनियोजन याःगु दु । सामाजिक बिकास लागाया नितिं २ अर्ब ४९ करोड ९८ लाख (१५.२२ प्रतिशत)बजेट बिनियोजन याःगु दु । अथेहे सुशासन तथा अन्तर सम्बन्धित लागाया नितिं ९६ करोड ३० लाख (५.८६ प्रतिशत ) बजेट बिनियोजन याःगु दु । शसर्त अनुदान पाखे २ अर्ब ५७ करोड ५१ लाख ५ हजार (१५.६८ प्रतिशत ) बिनियोजन गरेको छ ।

येँ महानगरपालिकाया आर्थिक बर्ष २०७७–०७८ या नितिं १६ अर्ब ४२ करोड ७३ लाख २६ हजार आम्दानी जुइगु प्रक्षेपण याःगु दु । गुकि अन्तरिक श्रोतं ६ अर्ब ७६ करोड ६५ लाख (४१ प्रतिशत) आम्दानी जुइगु प्रक्षेपण याःगु दु । आन्तरिक स्रोत अन्तर्रगत प्रमुख स्रोत कथं बहाल करं १ अर्ब ५० करोड ल्ह्वनेगु आज्जु दुसा सम्पत्ति करं ८० करोड ल्ह्वनेगु आज्जु कयातःगु दु । अथेहे व्यवसाय करं ४० करोड, विज्ञापन करं ६ करोड आय शुल्कं १ अर्ब ५० करोड, कवाडी करलगायतं नं महानगरपालिकां आम्दानी यायेगु लक्ष्य कयातःगु दु ।

अथेहे हे पिनेया श्रोतय् निशर्त अनुदानं १ अर्ब ४२ करोड ४८ लाख ९५ हजार, शसर्त अनुदानं २ अर्ब  ५७ करोड ५१ लाख ५ हजार, सामाजिक सुरक्षा भत्ता बापत १ अर्ब २० करोड, जग्गा एकीकरणं ९६ करोड ८ लाख २६ हजार याना ६ अर्ब  १६ करोड ८ लाख २६ हजार आम्दानी जुइगु प्रक्षेपण याःगु दु । थ्व आम्दानीया ३७.५० प्रतिशत खः ।  कुल आम्दानीइ मगाःगु ३ अरब ५० करोड ( २१.३० प्रतिशत ) बैंक मौज्दातं छ्यलेगु महानगरपालिकां न्ह्यब्वःगु बजेटय् तयातःगु दु ।

Share on Google Plus

News: Newa News

    छ्याता
    फेसबुक छ्याता