प्रतिनिधिसभाया राज्य व्यवस्था व सुशासन समितिं नेपामि मिजँनाप ब्याहा याइपिं विदेशी मिसायात ७ दँया स्थायी बसोबास धुंका जक अंगीकृत नागरिकता बीगु व्यवस्थानापं नागरिकता विधेयक बहुमतं पास याःगु दु । समितिया थूगु निर्णययात विपक्षी नेपाली कांग्रेस व जनता समाजवादी पार्टी (राजपा व समाजवादीं) फरक मत तःगु दु ।
वैवाहिक अंगीकृत नागरिकताबारे सहमति जुइ मफूगुलिं नागरिकतासम्बन्धी विधेयक निदँ निसें राज्य व्यवस्था समितिइ थानाच्वंगु खः ।
नागरिकताया लागि आवेदन बीबलय् स्थायी बसोबास याःगु वडा ज्याकुया सिफारिस नापं विदेशी नागरिकता वा व कथंया राष्ट्रियता क्यनीगु प्रमाणत्र मकाःगु प्रमाण वा काःगु जूसा परित्यागया नितिं कारबाही न्ह्याकागु प्रमाण न्ह्यब्वयेमा ।
अंगीकृत नागरिकता मदुतलय् धाःसा ‘स्थायी आवासीय अनुमति पत्र’ बीगु व्यवस्था यायेत्यंगु दु । थूगु अनुमतिपत्रया आधारय् चलअचल सम्पत्ति आर्जन, भोग, बेचबिखन, व्यावसायिक लाभनापं मेगु कारोबार यायेदइ । अथेहे थीथी कथंया पेसा व व्यवसाय सञ्चालन, उद्योग, व्यापार व व्यवसाय सञ्चालन यायेदइ । अथेहे जन्म, मृत्यु, विवाह, सम्बन्धविच्छेद, बसाइँसराइ थें जाःगु व्यक्तिगत घटना दर्ता व राष्ट्रिय परिचय पत्र तकं कायेफइ ।
अंगीकृत नागरिकता कायेधुंका स्थायी आवासीय अनुमतिपत्र स्वतः खारेज जुइ ।
छ्याता
फेसबुक छ्याता