नाकां क्वारेन्टिनतक मनुया उद्धार याम्ह चालक कोरोनां कया मन्त


धनगढीया गोदावारी नगरपालिका ४ या ४६ दँया बस चालक मन्त । वयेकः नाकां निसें क्वारेन्टिन तक मनुतयेत ल्ह्येगु ज्या यानाच्वंम्ह खः ।

सेती प्रादेशिक अस्पतालया भेन्टिलेटरय् उपचार यानाच्वंम्ह वयेकः बुधबाः मदुगु अस्पतालया सूचना अधिकारी दिलिप श्रेष्ठं पुष्टि यानादिल ।

वंगु जेठ ३२ गते संक्रमण पुष्टि जूम्ह वयेकः निजी अस्पतालं सेती प्रादेशिक अस्पताल रिफर जूगु खः ।

तच्वकं ज्वरो व सासः ल्हाय् थाकुगुलिं भेन्टिलेटरय् तया वासः याकुगु खःसा उसाँय् धाःसा बाँलाय् मफूगु खः । बुधबाः अस्पतालं येँ रिफर यायेत प्रदेश सरकारयात इनाप याःगु खः । तर वयेकः बुधबाः हे मन्त ।

Share on Google Plus

News: Newa News

    छ्याता
    फेसबुक छ्याता