सरकारं क्वपाल विद्युतया भाः, १० युनिट तक निशुल्क


सरकारं विद्युतया भाः क्वपाःगु दु । ५ एम्पियर लाइन कयाः न्यूनतम् मासिक १० युनिटतक खपत याइपिं ग्राहकयात ३० तका जक डिमान्ड शुल्क कायेत्यंगु दु । अज्यापिंत मत धाःसा निःशुल्क बीत्यंगु दु ।
विद्युत नियमन आयोगं असारनिसें न्हूगु महसुल निर्धारण याःगु दु ।

विद्युत नियमन आयोगया कथं सिंगलफेज मिटरया ग्राहकं :

११ निसें २० युनिटतक : डिमान्ड शुल्क ३० तका व प्रतियुनिट ३ तका,
२१ निसें ३० युनिटतक : ५० तका इनर्जी शुल्क व ६.५० तका प्रतियुनिट,
३१ निसें ५० युनिटतक : ५० तका डिमान्ड शुल्क व ८ तका प्रतियुनिट,
५१ निसें १०० युनिटतक : ७५ तका डिमान्ड शुल्क व ९.५ तका प्रतियुनिट,
१०१ निसें १५० युनिटतक : १०० तका डिमान्ड शुल्क व ९.५० तका प्रतियुनिट,
१५१ निसें २५० युनिटतक : १२५ तका डिमान्ड शुल्क व १० तका प्रतियुनिट,
२५१ निसें ४०० युनिटतक : १५० तका डिमान्ड शुल्क व ११ तका प्रतियुनिट,
४०० युनिटस्वयाँ अप्व : १५० तका डिमान्ड शुल्क व १२ तका प्रतियनिट पुलेमा ।

आयोगं घरायसी ग्राहकया लागि १५ एम्पियर, ३० एम्पियर व ६० एम्पियरतक मतया लाइन काःसां खपतया आधारमय् ब्यागलं ब्यागलं भाः तःगु दु ।

नेपाल विद्युत प्राधिकरणया कार्यत्रकारी निर्देशक कुलमान घिसिङं सरदर १० प्रतिशत भाः क्वाहाँ वंगु न्ह्यथनादीगु दु ।

Share on Google Plus

News: Newa News

    छ्याता
    फेसबुक छ्याता