भारतं विवादय् लाकुगु लिम्पियाधुरा नेपाःया हे भुमि जूगु मेगु छगु दसि लूगु दु । सन् १९७१ य् सिक्किम स्वतन्त्र दे जुयाच्वंगु इलय् अनया जुजु चोग्यालं सत्यजित रेयात निर्देशन याके ब्यूगु वृतचित्र ‘सिक्किम’ सेलुल्याईट डकुमेन्ट्रीइ लिम्पियाधुरानापंया नेपाःया नक्सा स्पष्ट क्यनातःगु दु ।
सिक्किमया सार्वभौमसत्ताया बारे थूगु डकुमेन्ट्री केन्द्रित यानातःगु खः । भारतय् विलय जुइन्ह्यः सिक्किमं थःगु संस्कृति व सार्वभौमसत्तासम्पन्न दे धका हलिंयात क्यनेत थूगु डकुमेन्ट्री देकातःगु दु । भारत व चीनपाखें सार्वभौमसत्ता खतराय् लाःगु इलय् थूगु डकुमेन्ट्री देकुगु खः ।
सिक्किम सन् १९७५ य् भारतय् विलय जूगु खः ।
सन् १९६२ इ भारत चीन युद्धलिपा कालापानीइ सेना तया नेपाःया लिम्पियाधुरा, लिपुलेक, कालापानी नापंया भूमि भारतं अतिक्रमण याःगु खः ।
छ्याता
फेसबुक छ्याता