पर्साय् सीम्हय् कोरोना पुष्टि


पर्साय् सिनाच्वंम्ह मनुयाके कोरोना संक्रमण पुष्टि जूगु दु । वीरगञ्जया घण्टाघरय् सिनाच्वंगु अवस्थाय् लूम्ह २५ दँया मिजँयाके कोरोना संक्रमण पुष्टि जूगु खः । थ्व न्ह्यः नेपालय् कोरोना संक्रमणं १६ म्ह सीधुंकुगु दु ।

सिम्हेसिया नां व थाय्बाय् धाःसा सीमदुनि । सीम्ह पोष्टमार्टमलिपा नं नारायणी अस्पतालय् तयातःगु दु । म्हमस्यूगु सिम्ह जूसां अस्पतालं स्वाब संकलन याःगु खःसा पीसीआर रिपोर्ट पोजेटिभ वःगु नारायणी अस्पतालया पीसीआर ल्याब स्रोतं न्ह्यथंगु दु ।

सिम्ह ल्ह्वंपिं स्वम्ह प्रहरीयात आः क्वारेन्टिनय् तयातःगु दु ।
Share on Google Plus

News: Newa News

    छ्याता
    फेसबुक छ्याता