मोटरसाइकल क्वदया अस्पताल यंकल, कोरोना पोजिटिभ खनेदत


पर्वतया कुश्मा नगरपालिका ३ या ३५ दँया ल्याम्ह वंगु जेठ २१ गते मोदी खुसिइ न्या लाना मोटरसाइकलय् लिहाँवयेगु झ्वलय् दुर्घटनाय् लात । दुर्घटनां छ्यनय् बामलाक्क घाः जूसेंलि पोखराया मणिपाल शिक्षण अस्पतालय् अप्रेसन हे याये माःगुलिं भर्ना जुल ।

अप्रेसन न्ह्यः कोरोना परिक्षण यायेमाःगु धाःसें अस्पतालं स्वाब कया पश्चिमाञ्चल क्षेत्रीय अस्पतालया प्रयोगशालाय् छ्वल । शुक्रबाः रिपोर्ट वःबलय् कोरोना पोजेटिभ खनेदत ।

मोटरसाइकल क्वःदला घाःपा जुम्हसित नापलायेत थःथिति, शुभचिन्तक नापं पर्वतया निर्वाचित प्रतिनिधि सभा सदस्य पदम गिरीं वःगु जुयाच्वन ।

येँ लिहाँ वया सांसद गिरीं स्वाब परिक्षण यानागु न्ह्यथनादिल । वयेकःया रिपोर्ट नेगेटिभ वःगु दु ।

ल्यायेम्हया ‘ट्राभल हिष्ट्री’ मदुगु कुश्मा नगरपालिका मेयर रामचन्द्र जोशीं न्ह्यथनादिगु दु । कोरोना अस्पतालं हे सरे जूगु अनुमान यासें मेयर जोशीं गनं मवंगु सुयातं नापमलाःगु मनुयात मखुसा गुकथं कोरोना संक्रमण जुइ धका न्ह्यसः तकं न्यनादिल । 
Share on Google Plus

News: Newa News

    छ्याता
    फेसबुक छ्याता