पश्चिम सुर्खेतय् आरडीटी नेगेटिभ वया क्वारेन्टिनं छेँ लिहाँवँम्ह मिजँया कोरोनां मृत्यु जूगु दु । बिहीबाः सुथः सीम्ह पञ्चपुरी नगरपालिका १ हाँसेया २० दँया ल्याम्ह नं सीधुंका पीसीआर जाँच याःबलय् पोजेटिभ वःगु खः ।
रिपोर्ट शुक्रबाः सुथः २ बजे पोजेटिभ वःगु कर्णाली प्रदेश स्वास्थ्य निर्देशनालयया प्रयोगशालां पुष्टि याःगु खः ।
वंगु जेठ ७ गते भारतं वःम्ह वयेक उननी जनता मावि विद्यापुरया क्वारेन्टिनय् च्वंगु खः । आरडीटी जाँच याना नेगेटिभ वःगुलिं २१ गते न्हिनय् छेँ वंगु व बहनी २ बजे मदुगु खः ।
सीधुंका पीसीआर जाँचया लागि बिहीबाः हे स्वाब संकलन याःगु खः ।
सीम्ह नापं क्वारेन्टाइनय् ५४ म्ह च्वनाच्वंगुलिइ स्वम्हसिया नं कोरोना पोजेटिभ वःगु दु ।
थ्व नापं नेपालय् कोरोनां सीपिनि ल्याः ११ थ्यंगु दु ।
छ्याता
फेसबुक छ्याता