नेपाल सरकारं लकडाउन जेठ ३२ तक लकडाउन तयातःगु दु । तर लकडाउन छ्वासुकेत प्यखेरं सः ब्वलनाच्वंगु दु । थ्व झ्वलय् येँया व्यापारीतयेसँ धाःसा पसः धमाधम चायेकेगु यानाहःगु दु । थुकि जिल्ला प्रशासनया तकं ग्वाहालि काःगु दु । सरकारयात लकडाउन छ्वासुकेत थीथी निकायपाखें छ्याता वनाच्वंगु दु ।
म्हिगः शनिबाः कोभिड १९ उच्चस्तरीय समितिया मुँज्याय् कजि ईश्वर पोखरेलं जेठ २५ निसें लकडाउन छ्वासुकेगु प्रस्ताव तयादीगु खः । वयेकःया प्रस्ताव थुकथं दु ।
जेठ २५ निसें : सछि स्वयाँ म्ह्वः कोरोना संक्रमित दूगु जिल्लाय् पसः, सैलुन व बछि यात्रु तया चीहाकःगु दुरीया सवारी साधन न्ह्याके दैगु ।
असार १ निसें : यक्व धैथें व्यवसाय, आन्तरिक हवाई उडान, धार्मिकस्थल, सपिंग मल व बछि यात्रु तया ताःहाकःगु दुरीया सवारी साधन न्ह्याके दैगु ।
असार १७ निसें : शैक्षिक संस्था चायेके दैगु ।
पोखरेलं प्रस्ताव तःसां निर्णय धाःसा जुइमफुत । थौं आइतबाः लिखित लिसः बीगु समितिं न्ह्यथंगु दु । मन्त्रीपरिषद वैठकं लकडाउन मोडालिटि देकेत थ्व हे उच्चस्तरीय समितियात जिम्मा ब्यूगु दु ।
तर थ्व हे समितिया सचिवालय कोरोना संकट व्यवस्थापन केन्द्र (सीसीएमसीं) धाःसा असारया निवातक लकडाउन चायेके मज्यूगु प्रस्ताव न्ह्यब्वःगु दु ।
छ्याता
फेसबुक छ्याता