आरडिटिं अस्पतायात खतराय् लाकल, आरडिटि नेगेटिभ खनेदुम्ह बिरामीयाके हे कोरोना पुष्टि


शुक्रबाः बहनी स्वास्थ्य मन्त्रालयं मकवानपुरया ५४ दँया मिसायाके कोरोना पुष्टि याःगु खः । उम्ह मिसा येँया महाराजगन्जस्थित मनमोहन कार्डियोथोरासिक एन्ड भास्कुलर ट्रान्सप्लान्ट सेन्टरय् वासः याकाच्वंगु सीदुगु दु । टिचिंग अस्पतालया मुटुरोग शाखा थूगु सेन्टरयात सील यायेगु विषयलय् धाःसा व्यवस्थापन पुचलं अझ निर्णय मकाःनि ।

सेन्टरया कोभिड १९ म्यानेजमेन्ट टिमया कथं नुगःचुया समस्या दुम्ह मिसा वंगु आइतबार गंगालाल अस्पतालं ’रिफर’ जुयावःम्ह खः ।

न्हापा र्यापिड टेस्ट याःगु इलय् नेगेटिभ खनेदूगु खःसा लिपा पिसिआर परीक्षणं धाःसा कोरोना पोजेटिभ क्यंगु खः । वासः याकाच्वंम्ह कोरोना पोजिटिभ जुइधुंका चिकित्सक व कर्मचारी आइसोलेसनय् च्वनेत बाध्य जूगु दु ।
वयेकःया उसाँय् बाँलाना वंगुलिं आइसियूलय् हयेगु तयारी जुयाच्वंगु न्ह्यथंगु दु । थ्व न्ह्यः वयेकःया धड्कन नं कम व रक्तचाप नं कम जुयाच्वंगु खः ।

थ्व न्ह्यः, टिचिंगय् हे उपचाररत मचा, कर्मचारी व न्यूरो बिरामी कुरुवायाके तकं कोरोना संक्रमण खनेदूगु खः । अथेहे टिचिंगय् मचा बुइकुम्ह मिसा तकं कोरोनाया कारणं स्यूगु खः । कोरोना संक्रमण गुकथं जुल धैगु अन्यौल जुयाच्वंगु इलय्, अस्पतालं चिकित्सक, बिरामी व कर्मचारीया पूर्णरुपं पिसिआर टेष्टय् हेलचेक्राइ यानाच्वंगु दु । थुकथं आरडिटि टेष्टया जक भर जुया अस्पतालं कोरोना संक्रमण अप्वयेकीगु खतरा ब्वलंगु दु ।

Share on Google Plus

News: Newa News

    छ्याता
    फेसबुक छ्याता