विसं १९४० सालय् नेपालभाषां कविता च्वया १८ वर्षतक जेलय् लाःम्ह युवकवि सिद्धिचरण श्रेष्ठया सछि व गुक्वःगु जन्मजयन्ती । क्रान्ति बिना दैमखु थन शान्ती, थ्व झ्वः थःगु चिनाखँ तःगुलिं उबलय्या राणा शासकतयेसं वयेकःयात १८ वर्ष जेलय् तःगु खः ।
वि.सं. १९६९ साल जेठ ९ गते थौंया दिं युगकवि श्रेष्ठ ओखलढुंगाय् बूगु खः । नेपालभाषाया महाकवी सिद्धिदास महाजु वयेकःया साहित्यिक गरु खः । वयेकः स्वच्छन्दतावादी काव्यधारया प्रवर्तक नं खः । वयेकःया छेँजःपिंसं येँया न्युरोडय् च्वंगु धर्मपथय् थापना यानातःगु शालिकय् माल्यार्पण याना जन्मजयन्ती न्यायेकूगु वयेकःया काय् रविचरण श्रेष्ठं न्ह्यथनादिल ।
सिद्धिचरण श्रेष्ठ नेपाली साहित्यय् युगकवि व नेपाल भाषाय् कविरत्न कथं म्हसिउ । युगकवि श्रेष्ठं थःगु जीवनया साढे छ दशक ताःहाकःगु साहित्य साधनाया सन्दर्भय् फुटकर चिनाखँ, म्ये, खण्डकाव्य, नाटक, पद्यनाटक, बाखा, निबन्ध, समालोचना, यात्रासंस्मरण नापंया बिधाय् ल्हाः तयादीगु दु ।
‘मेरो प्यारो ओखलढुंगा’, ‘निर्झर’, ‘भीमसेन थापा’, ‘शबरी’, ‘जूनकीरी’, कविता संग्रह ‘मेरो प्रतिबिम्ब’, ‘कोपिला’, ‘कुहिरो र घाम’ नापं खण्डकाव्यपिं ‘उर्वशी’, ‘ज्यानमारा शैल’, ‘आँसु’ लगायतया कृति दु ।
छ्याता
फेसबुक छ्याता