शनिबाः नेपालय् ६ म्ह मनुतय् कोरोना संक्रमण पुष्टि जूगु दु । थ्व नापं कोरोना संक्रमितया ल्याः २७३ थ्यंगु खः ।
बर्दिया, सिराहा, पर्सा, सर्लाही व चितवनय् याना खुम्ह संक्रमित थप जूगु स्वास्थ्य तथा जनसंख्या मन्त्रालयं न्ह्यथंगु दु ।
बर्दियाया २८ दँया मिसा, सिरहाया ३० दँया मिजँ, पर्साया २८ दँया मिजँ, सर्लाहीया २८ दँया मिसा व चितवनया २५ दँया मिसाय् संक्रमण खनेदूगु खः । इपिं दक्वसिया अवस्था सामान्य जू ।
म्हिगः बहनी नं गुम्ह पुष्टि जूगु खः । पर्सा, विरगंजया १० दँया मिजँ मचा, ४७ दँया मिसा, उदयपुर, वियुगा नगरपालिकाया २५ दँया मिजँ, दांग गढवाया ४दँ दुम्ह मचा व तुलसिपुरया २३, ३४, ३६ दँया मिजँ व येँया सतुगलया ७ दँ दुम्ह मचायाके कोरोना पुष्टि जूगु खः ।
छ्याता
फेसबुक छ्याता