हलिमय् कोभिड १९ जुया सीपिनि ल्याः ह्वात्त अप्वःगु दु । न्यान्हुया ल्याः स्वयेगु खःसा बुलुहुँ म्हो जुयावंगु सीपिनि ल्याः म्हिगः मे २६ तारिख २४३ प्रतिशतं बृद्धि जूगु खनेदु ।
मे २२य् हलिंन्यंकं ५,२५२ मनु कोरोना जुया मदुगु खः । मे २३य् सीपिनि ल्याः २० प्रतिशत म्हो जुया ४,१८३ थ्यंगु खः । थ्व ल्याः मे २४य् ३२ प्रतिशत क्वहाँ वना २,८२६ थ्यंगु खः । सोमबाः लछि दुनेया दकलय् म्हो १,१७९ मनु जक सीगु खः । थ्व ल्याः ५८ प्रतिशत सीपिं म्हो जूगु संकेत खः ।
तर म्हिगः मे २६ य् धाःसा हाकनं ४,०४८ मनुत कोभिड जुया हलिंन्यंकं मन्त । थ्व धैगु मे २५ या तुलनाय् २४३ प्रतिशत अप्व मनुतय् मृत्यु खः । कोभिडया त्रास बुलुहुँ म्हो जुइगु संकेत क्यनाच्वंगु इलय् थ्य हाकनं झत्का कथं वःगु दु ।
स्राेत : worldmeters
छ्याता
फेसबुक छ्याता