कञ्चनपुरय् क्वारेन्टाइन व्यवस्थापन यानाच्वंम्ह वडाध्यक्षया मृत्यु जूगु दु । कृष्णपुर नगरपालिका वडा नम्वर ७ या अध्यक्ष कल्लु राना मंगलबाः बहनी मदुगु जिल्ला प्रहरी ज्याकु कञ्चनपुरं न्ह्यथंगु दु ।
थःगु हे वडाय् दूगु राष्ट्रिय माविइ क्वारेन्टाइन व्यवस्थापन यानाच्वंम्ह वयेक छक्वलं बेहोस जूगु खः । ५८ दँया रानायात सेती प्रादेशिक अस्पतालय् वासः याकेत यंकेगु झ्वलय् चान्हय् करिब १२ ता इलय् वयेकःया मृत्यु जूगु खः ।
वयेकःया सीम्ह सेती प्रादेशिक अस्पतालय् हे तयातःगु दुसा कोरोना परिक्षण यायेत पोष्टमार्टम धुंका स्वाब कायेत्यंगु दु ।
छ्याता
फेसबुक छ्याता