‘निक्वःगु टोखा महोत्सव–२०७६’ स्थगित जूगु दु । फागुन २३ निसें २५ गतेतक टोखा नगरपालिकां ग्वसाः ग्वय् त्यंगु महोत्सव कोरोना भाइरस जोखिमया हुनिं स्थगित जूगु नगरप्रमुख प्रकाश अधिकारीं विज्ञप्ति पाखें जानकारी बियादिल ।
विश्व स्वास्थ्य संगठनं भारतनापं नेपाःयात उच्च जोखिमया धलखय् तःगुलिं महोत्सव स्थगित याःगु खः । नेपाल भ्रमण वर्षया लसताय् आन्तरिक व बाह्य पर्यटकयात टोखा म्हसिकेगु नितिं महोत्सवया ग्वसाः ग्वयेत्यंगु खः । नेवाः गुठी टोखाया व्यवस्थापनय् महोत्सव जुइत्यंगु खः । महोत्सव क्वचायेकेत २५ लख तका बजेट विनियोजन तकं जूगु खः । नकतिनि हे नेपाल भ्रमण वर्ष २०२०या विदेश प्रचार तकं स्थगित यायेधुंकुगु दु ।
छ्याता
फेसबुक छ्याता