अन्तिम इलय् सहमति, सुरजवीर नेवाः पत्रकार राष्ट्रिय दबुया नायः


नेवाः पत्रकार राष्ट्रिय दबूया स्वक्वःगु तःमुँज्याया लिपांगु इलय् सहमति जुया सुरज वीर बज्राचार्य नायः जुयादीगु दु । त्याये नापं वयेकलं थःगु कार्यकालय् जिल्ला व स्वनिगःया नेवाः पत्रकार दथुइ एक्यबद्धता याना यंकेगु न्ह्यथनादिल । वयेकलं थःगु कार्ययाेजना तकं कनादिल ।

अध्यक्ष पदया मेम्ह प्रत्यासी नृपेन्द्रलाल श्रेष्ठ वरिष्ठ न्वकू पदय् च्वनेत तयार जुइ साथ सर्वसम्मतिया केन्द्रिय कार्यसमिति चयन जूगु खः । न्हूगु कार्यसमिति कथं न्वकु पदय् रचना श्रेष्ठ व सन्दिप श्रेष्ठ न‌ं च्वनादीगु दु । पुलांपिं पदाधिकारी हे लिसाकासें सुनील महर्जन मू छेयाञ्जे, केके मानन्धर छ्याञ्जे, राजु नापित व प्रेरणा शाक्य ल्यू छ्याञ्जे, सुरेन्द्रभक्त श्रेष्ठ दाभरी, बाबुकाजी साछेँ श्रेष्ठ ल्यू दांभरी कथं च्वनादीगु दु ।

दुज कथं नविन जोशी, विजयराम कर्माचार्य, भाइकाजी महर्जन, विराजकाजि राजोपाध्याय, प्रजीत शाक्य, पूर्णभक्त दुवाल, अनुप प्रधान, तेजनारायण महर्जन, विगेन तुलाधर व श्याम तण्डुकारपिं च्वनादीगु दु । मिसा दुजकथं हसना लवजु, रुबि श्रेष्ठ, सुनीता महर्जन, मीना वज्राचार्य, अनिता डंगोल व नीशा श्रेष्ठ च्वनादीगु दु । निगुलिं प्यानलया पदाधिकारी प्रत्यासितयेत थाय् बिया निर्वाचन क्वचायेकुगु खः ।

पुलांम्ह नायः श्रीकृष्ण महर्जन धासा सल्लाहकार च्वनादीगु दु । अथेहे प्रदेश १ या संयोजक कथं भोजराज श्रेष्ठ व प्रदेश ४ या संयोजक कथं उत्तम श्रेष्ठ च्वनादीगु दु ।
Share on Google Plus

News: Newa News

    छ्याता
    फेसबुक छ्याता