लिभिङ वीथ आइसिटी म्यागेजिनं ग्वसा ग्वःगु प्यक्वःगु संस्करणया आइसिटी अवार्डय् डायस्पोरा आइसिटी अवार्ड डा समीर मास्केयात देछाल । मेसिन लर्निङया लागाय् ज्या याःगु फ्युज मेसिन नांया कम्पनीया संस्थापक मास्कें थुगु अवार्ड त्याःगु खः ।
थुगु दँया पायोनियर आइसिटी अवार्ड धासा महावीर पुनयात देछागु दु । सूचना प्रविधि लागाय् योगदान याःगुलिं वयेकयात अवार्ड ब्यूगु खः ।
शनिबाः यें ग्वसाग्वःगु अवार्डया फाइनल ज्याझ्वलय् थुगु दँया आइसिटी इन्टप्रेनर अवार्ड अमित अग्रवालयात देछाःगु दु । खल्ती डिजिडल वालेटया प्रमुख कार्यकारी अग्रवालं थुगु अवार्ड त्याःगु खः ।
अथेहे सूचना प्रविधिया छ्यलाबुलां सेवा सुधार याःगु धासें डिजिटल गभर्नेन्स आइसिटी अवार्ड लोकसेवा आयोगयात ब्यूगु दु ।
अथेहे डिजिटल एजुकेशन अवार्ड नेपाल खुला विश्वविद्यालय,राइजिङ स्टुडेन्ट अवार्ड पुल्चोक क्याम्पसया रितेस पाण्डे/आयुस भट्टराई, प्रडक्ट आइसिटी अवार्ड मेडिको सिस्टम सर्भिसेस,स्टार्टअप आइसिटी अवार्ड इडिजिटल नेपाल,मिडिया पर्सनालिटी अवार्ड कान्तिपुर दैनिकया बिजय तिमिल्सिना व पब्लिक च्वाइस अवार्ड किताबयात्रां काःगु दु ।
छ्याता
फेसबुक छ्याता