वरिष्ठ साहित्यकार मदनमणि दीक्षित मंत


वरिष्ठ साहित्यकार मदनमणि दीक्षितया थाैं बिहिबाः सुथः निधन जूगु दु । वयेक थाैं सुथ ३ व ४ बजेया दथुइ मदूगु छेंजःपिंसं धाःगु दु। वयेक ९६ दँया जुयादि ।

छुं दिं न्ह्यः वयेकयात निमोनिया जुया अस्पताल यंकुगु खः ।

पंचायत कालय् 'समीक्षा' वाःपाै न्ह्याका ताः इ सक्रिय पत्रकारिता यानादीम्ह दीक्षित सायित्यकार कथं लाेकंह्वाः । वि.सं. २०१९ य् रूपरेखाय् 'कसले जित्यो कसले हार्‍यो' छ्यँया बाखँ प्रकाशित याना औपचारिक रूपं साहित्य च्वज्याय् दुहाँवम्ह दीक्षित 'माधवी' उपन्यासया नितिं नेपाली साहित्यप्रेमीदथुइ लाेकंह्वाः ।

थुगु उपन्यासया नितिं वयेकलं मदन पुरस्कार व साझा पुरस्कार त्याःगु खः । अथेहे लेखनाथ साहित्य पुरस्कार, देवीप्रसाद सापकोटा आमसञ्चार सम्मान, पद्मश्री सम्मान, राष्ट्रिय कलाश्री सम्मान आदिपाखें सम्मानित जुयादी ।


दीक्षितवि सं १९७९ फागुन ६ गते अबु लक्ष्मणमणि आचार्य दीक्षित व माँ विष्णुकुमारीया काय् कथं गैरीधारा, येँ बूगु खः ।
Share on Google Plus

News: Newa News

    छ्याता
    फेसबुक छ्याता