भर्ना प्रक्रियाय् अनियमितता याःगु व थःथितियात भर्ना यायेत स्वःगु पुष्टि जुइधुंका अख्तियार दुरुपयोग अनुसन्धान आयोगं त्रिवि सेवा आयोगया नायः चैतन्यप्रसाद शर्मानापं झिम्ह विरुद्ध भ्रष्टाचार मुद्दा दायर याःगु दु । आयोगया दुजः चिन्तामणि पोखरेल, प्रशासन प्रमुख परशुराम कोइराला, मुख्य कार्यालय सहायक बच्चुराम पाण्डे, कर्मचारी इन्दिरा तिवारी भन्तना, त्रिविया प्राध्यापकपिं टेकनाथ ढकाल व गोविन्द ढकाल, सहप्राध्यापकपिं राजेश्वर न्यौपाने व ताराप्रकाश पौडेल व पूर्वकर्मचारी रामबहादुर पाण्डे क्षत्रीविरुद्ध नं आयोगं मंगलबार विशेष अदालतय् मुद्दा दायर याःगु दु ।
३५ गु लिसःपतिइ प्राप्तांक केरमेट याःगु लूगु अख्तियारं न्ह्यथंगु दु । लिसःपतिया कोडिङनिसें हे चलखेल याना कर्मचारीनिसें सेवा आयोगया नायःतकं मिलेजुया लिखित परीक्षाय् चलखेल याःगु अख्तियारं न्ह्यथंगु दु ।
सेवा आयोगं २८ फागुन ०७३ य् थीथी १६ पदय् विज्ञापन याःगु खः । व मध्ये ६ गु पदया लिखित परीक्षाया नतिजा वंगु वैशाखय् प्रकाशित याःगु दु । उत्तरपुस्तिका परीक्षणय् अनियमितता जूगु अख्तियार प्रवक्ता प्रदीपकुमार कोइरालां न्ह्यथनादिल ।
छ्याता
फेसबुक छ्याता