आइफा अवार्ड मयायेत उजं


नेपालय् इण्टरनेशनल इण्डियन फिल्म अवार्ड (आइफा) अवार्ड मयायेत संसदीय समितिं सरकारयात उजं ब्यूगु दु ।

प्रतिनिधिसभाअन्तर्गतया अन्तर्राष्ट्रिय सम्बन्ध समितिं नेपालय् याइ धाःगु इन्टरनेशनल इण्डियन फिल्म एकेडेमी (आइफा) सिरपा ज्याझ्वः सम्बन्धय् फुक्क ज्या थथें दिकेत उजं ब्यूगु खः ।

सिंहदरबारय् थाैं च्वंगु समितिया मुँज्यां नेपाःया सांस्कृतिक व राष्ट्रिय हितया प्रतिकूल असर लाकेगु आज्जुं उगु ज्याझ्वः प्रेरित जूगु धासें ज्याझ्वः पनेत सरकारयात उजं ब्यूगु खः । भारतीय निजी कम्पनी बिजक्राप्ट इन्टरनेशनल प्राइभेट लिमिटेडयात नेपालं आइफा सिरपा ज्याझ्वः यायेत बीगु खँय् नेपाल सरकार व उगु संस्थानाप जुइगु सम्झौताया मस्यौदा नेपाःया स्वाधिनता, स्वतन्त्रता व अस्मिताय् ध्वइगु समितिं ठहर याःगु दु ।

सम्झौताया मस्यौदाय् नेपाल सरकारं कःघाइगु आर्थिक दायित्व यक्व हे अनुचित व अस्वभाविक कथं तधं व नेपाःया आर्थिक अवस्थाया दृष्टिकोणं बामलाःगु समितिं क्वछ्यूगु दु । मुँज्यां सरकारनाप ज्याझ्वःया पुवंगु जानकारी माग यायेगु क्वछ्यूगु दु ।

बैठकय् छुँ सांसदतयेसं आइफा अवार्डय् जुइगु खर्चं देया ढुकटी हे सिधइगु धासें सांसदतयेसं व्यापक विरोध याःगु खः । विवादय् वःगु आइफा अवार्डया जनस्तरं तकं व्यापक विरोध जुयाच्वंगु दु ।
Share on Google Plus

News: Newa News

    छ्याता
    फेसबुक छ्याता