नेवाः देय् दबु संकतय्, जिप्रकाया तप्यंक हस्तक्षेप, दाँभरीं औचित्यका न्ह्यसः तल


नेवाः देय् दबुया दांभरी अन्जीता खड्गीयात हे दांभरी यानाः ज्या यायेत येँ जिल्ला प्रशासन ज्याकुथिं वंगु शुक्रवाः उजं ब्यूगु दु । थ्व नापं थाैं नेवाः देय् दबुया औचित्यय् सहलह यायेत नेपाल खड्गी सेवा समितिया नायः तकं जुयादिम्ह दबुया दांभरी खड्गी मुँज्या तयादीगु द ।



खड्गीं थ्व न्ह्यः दबु दुने चरम भ्रष्टाचार जूयाच्वंगु व थःम्ह बिराेध याना थःत दांभरी पदं चीकेगु कुतः जूगु द्वपं बियादीगु खः । थःत बिना कारण पदं चीकूगु द्वपं नापं उजूरी तयाः जिप्रकां खड्गीया पुनर्बहाली यायेत दबुया नायः नरेश ताम्राकारयात उजं ब्यूगु खः । जिप्रकाया तप्यंक हस्तक्षेप नापं दबु दुनेया अस्तब्यस्तता व खड्गीया द्वपं उजागर जूगु दु ।

जिल्ला प्रशासन ज्याकुथिं देय् दबूया बिधान लोकतान्त्रिक प्रकृति व आः या संस्थाया ढाँचा कथं मजूगु धासें लच्छिया दुने बिशेष साधारण सभा सःताः उगु सभां बिधान संशोधन यानाः स्वंगु महलया फारम भरे याना स्वीकृतीया नितिं पेश यायेत नं उजं ब्युगु दु । तच्वकं विवादय् लानाच्वंगु नेवाः तय् छगुयां छगु छाता स‌ंगठनं थुगु उजं पालना याये मफूगु खःसा नेवाः देय् दबु हे संकतय् लाय् फु ।


Share on Google Plus

News: Newa News

    छ्याता
    फेसबुक छ्याता

0 Comments:

Post a Comment