भ्रष्टाचारया मुद्दाय् बयान बियाच्वंम्ह श्रेष्ठं यात आत्महत्या


सरकारी जग्गा मनुया नामय् पास याःगु विवाद जुयाच्वंगु इलय् बालुवाटारया ललिता निवास प्रकरणय् लाम्ह पूर्व सरकारी अधिकारी युक्तिप्रसाद श्रेष्ठं थौं आइतबार माछापोखरी सपिङ मलं तिन्हुया आत्महत्या याःगु दु ।

पर्वत थायी छें दुम्ह ५४ दँ दुम्ह श्रेष्ठ मालपोत ज्याकुथिइ दूगु इलय् भू माफियानाप जाना ज्या याःगु अख्तियारया द्वपं दु । अख्तियार दुरुपयोग अनुसन्धान आयोगं बालुवाटार जग्गा प्रकरणय् अनुसन्धान यासें श्रेष्ठया मुद्धा दर्तायायेगु तयारी यानाच् वंगु खः ।

द्वपं तया सुयातं अख्तियारं मज्वंसे विशेष अदालतय् मुद्धा दर्ता यानाच्वंगु दु । लिपांगु इलय् थथे द्वपं लापिंसं आत्महत्या यायेगु झ्वः अप्वगु दु । थ्व न्ह्यः त्रिभुवन विश्वविद्यालय् कर्मचारी भर्नाया नितिं काःगु परीक्षाया लिसःपौ परीक्षणय् अनियमितता याःगु द्वपनय् रामबहादुर पाण्डें वंगु साउन २ गते आत्महत्या याःगु खः ।

द्वपंलिपा हतास जुया थथे आत्महत्या याःगु जुइफुगु प्रहरीया अनुमान दु ।
Share on Google Plus

News: Newa News

    छ्याता
    फेसबुक छ्याता