न्हापांगु मचा चिनाखँ वाचन भिडियाे धेधेबल्ला कासा जुइगु


मोहनीया लसताय् नेवाः एच डी टेलिभिजन व ग्लोबल नेपाल नेटवर्क नेपालभाषा मचा चिनाखँ वाचन धेधेबल्ला जुइत्यंगु दु । मस्तयेत नेपालभाषाया महत्व सीकेगु आज्जु नापं उगु कासा जुइत्यंगु खः । उगु धेधेबल्ला हलिंन्यंकंया  १३ दँ क्वय् तकया मस्तयेसं ब्वति काय् दइ । उगु ज्याझ्वलय् ब्वति कायेत मस्तयेसं चिनाखँ वाचन याना भिडिओ देकेमा । थुगु भिडियोयात ग्वसाः खलः नेवाः एकता अभियानय् सेप्टेम्बर ३० दुने छ्वयेमाः । मस्तयेसं नेवाः संस्कृति नाप स्वापु दुगु वसः पुना नेपालभाषाया ३० निसें ९० खँग्व दुगु न्ह्यागुं नेपालभाषाया चिनाखँ वाचन याना धेधेबल्लाखय् ब्वति कायेफु ।


धेधेबल्लाखय् ब्वति काःपिनिगु ल्ययेज्या नेपालभाषाया हनेबहपिं निर्णायकपाखें जुइगु ग्वसाखलकं न्ह्यथंगु दु । थुकंथं निर्णय जुया मस्तयेत न्हाप, ल्यू, लियांल्यू जक मखु पब्लिक भोट कथं फेसबुक व युत्युबय् दकलय् अप्व स्वःगु व ययेकुगु छम्ह छम्हसित सिरपाया ब्यवस्था यानातःगु दु । न्हाप लाम्हसित नीद्व तका, ल्यू लाम्हसित झिन्याद्व व लियांल्यू लाम्हसित झिद्व दाँ सिरपाया घोषणा जूगु दु । अथेहे फेसबुक व युत्युबय् उत्कृष्ठ निम्हसित म्हतिं झिद्व तका बीगु ग्वसा ग्वयातःगु दु ।


थुकि बांबालागु चिनाखँ वाचन भिडिओ नेवाः एच डी टेलिभिजनपाखें तकं प्रशारण यायेगु ग्वसा दु ।


थुगु ज्याझ्वया संयोजन प्रज्वल शाक्य नापं नेवाः एचडी टेलिभिजन व ग्लोबल नेपाल नेटवर्क पुचलं यायेत्यंगु दु ।

थप जानकारीया नितिं थन क्लिक यानादिसँ

नेवा:एच डी टेलिभिजन व ग्लोबल नेपाल नेटवर्क मचा चिनाखँ धें धें बल्ला कासा
#Newahekataahiyan #NEWAHEKATAYOUTUBECHANNEL

नेपाल सम्बत ११३९ दिल्लागा अस्तमी बिहिवा: (२०१९ जुलाई २५ )

नेपाल सम्बत ११३९ मोहनिया लसताय नेवा:एच डी टेलिभिजन व ग्लोबल नेपाल नेटवर्क मचा चिनाखं वाचन धें धें बल्ला कासा जुईगु जुगुलिं हलिमय च्वोंपिं १३ दँ तकया सकल मचा तयत ब्वति कायत ईनाप याना च्वना!!!

सिरपा धल:
१ ) न्हापांगु सिरपा २०द्व
२ ) द्वितीय सिरपा १५ द्व
३ )तृतीय सिरपा १० द्व
४)फेसबुक सिरपा : फेसबुकलय भिडिओ योक्क पपुलर भ्यू ह:म्हे सित १० द्व दां सिरपा ,
५ )युत्यूब सिरपा :युत्यूब भिडिओ लय योक्को भ्यू ह:म्हे सित १० द्व दां सिरपा
## प्रथम ,द्वितीय ,तृतीय ह:म्हे सीत जज तयसं हे ल्येई l

★★

कासाया:नियम
१) नेवा: लं फिनां वाचन
२) १३ दँ तक दुम्ह:हलिमय च्वंम्ह:न्ह्याम्हें सिनं नं ब्वति काये दु l
३) शब्द ३० निसें ९० तक याना दिसँ
४) न्ह्याग्गु चिनाखँ नं ज्यु
५) चिनाखँ च्वमिया नां ,चिनाखँ वाचकया नां ,दँ ,थाय बाय ,व ब्वनेकुथिया नां व चिनाखँ वाचन याना च्वंगु भिडिओ सेप्टेम्बर ३० तकया दुने छ्वया हया दिसँ l
६) फेसबुक पपुलर भ्यू अवार्ड : भिडिओ फेसबुकलय तय धुंका दकले न्हापाँ नेवा:एकता अभियानया पेजयात लाईक अनिवार्य यायेगु ,पेजयात लाईक याये धुन्का भिदिओयात फयां फत्ति अप्पो लाईक व शेयर याना भ्यू यक्को वयेकेगु ,दकले अप्पो भ्यू व:म्ह सिरपा त्याई
७) युत्यूब पपुलर भ्यू अवार्ड : भिडिओ युत्यूबलय तय धुन्का दकले न्हापाँ नेवा:एकता अभियान युत्यूब च्यानल सब्स्क्राईब अनिवार्य याना दिसँ ,सब्सक्राईब यायेधुन्का
भिदिओयात फयां फत्ति अप्पो लाईक व शेयर याना भ्यू यक्को वयेकेगु ,दकले अप्पो भ्यू व:म्ह: सिरपा त्याई
८) थ्व धेँ धेँ बल्ला कासा झि सकसिंगु हे ख:, विवाद वल धासा आयोजक यागु निर्णय हे अन्तिम जूई
९)कासाया नियम त सुचं बिनां परिवर्तन जुयेफु
१०) सिरपा वितरण अक्टोबर महिना बले मोहनी धुन्का येँ जुईगु नेवा:एकता अभियान ज्या झ्व:लय जुई

नेवा:एच डी टेलिभिजन व ग्लोबल नेपाल नेटवर्क मचा चिनाखं वाचन धें धें बल्ला कासा:

संयोजक : प्रज्वल शाक्य ,नेवा:एचडी टेलिभिजन व ग्लोबल नेपाल नेटवर्क तीम
ग्व:सा खल:
नेवा:एकता अभियान
Posted by Newah Ekata Abhiyan on Wednesday, July 24, 2019
Share on Google Plus

News: Newa News

    छ्याता
    फेसबुक छ्याता