वाइडबडीबारे कन्हे जेठ ११ गते येंया वसन्तपुर डबलीइ सार्वजनिक सुनुवाइ जुइत्यंगु दु । नेपाल वायुसेवा निगमया हाईफ्लाई–एक्स आइरल्याण्ड लिमिटेडपाखें निगु एयरबस ए ३३०–२०० न्यानाहयेगु खँय् भ्रष्टाचार जुगु विषयलय् सर्वसाधारण नागरिकयात जानकारी बीत ‘नेपालका लागि नेपाली अभियान’ पाखें थज्यागु सुनुवाइ तःगु खः ।
सार्वजनिक सुनुवाइ ज्याझ्वलय् नागरिक व विषयया विज्ञया ब्वति दइ । संयोजक सुकदेव भट्टराईं वाइडबडी भ्रष्टाचारबारे संसदीय समितिं ब्यूगु प्रतिवेदन कार्यान्वयन यायेमाःगु धासें भ्रष्टाचारं देयात विकास व समृद्धि जुइपाखें पनाच्वंगु न्ह्यथनादिल ।
अभियानया दुजः डा ठाकुरमोहन श्रेष्ठं वाइडबडी भ्रष्टाचार काण्डय् थःपिसं सत्यतथ्य पितहयात्वतेगु प्रतिबद्धता प्वंकुसें विशेषज्ञपिनिगु ग्वाहालिं प्रतिवेदन सार्वजनिक यायेगु न्ह्यथनादिल ।
0 Comments:
Post a Comment