सत्यमोहनयात सगरमाथाया च्वकां भिन्तुना (भिडियो नापं)


थौं सोमबाः नेसं ११३९ कछलाथ्व दशमी (२०७६ साल बैशाख ३० गते) वाङ्गमय शताब्दी पुरुष सत्यमोहन जोशीया शताब्दी जन्मन्हि । थ्व हे लसताय् देसं विदेसं भिन्तुना देछाय्गु झ्वः न्ह्यानाच्वंगु दु । सामाजिक सञ्जाल बुदिंया हुनिं तसकं क्वानाच्वंगु दु । यल महानगरपालिकाया ग्वसालय् तःधंगु ज्याझ्वः यलय् ग्वसाग्वयातःगु दु । यल नगरपालिकां नगर दुने थौंयागु दिं सार्वजनिक बिदा तकं घोषणा यानातःगु दु ।

थ्व झ्वलय् सगरमाथा, हलिंया दकलय् तजाःगु थाय, वा हलिंया च्वकां तकं बुदिंया भिन्तुना वःगु दु । छुं ई न्ह्यः सगरमाथाया सफल आरोहन याना न्हपापाम्ह सगरमाथाया सफल आरोहणयाम्ह न्हापाम्ह न्याम्ह मिसा पत्रकार मध्य छम्ह जुइत ताःलाम्ह पत्रकार मय्जु कल्पना महर्जनं सगरमाथाया आरोहणया झ्वलय् सत्यमोहन जोशीया सछि दँया भिन्तुना देछानादीगु दु । सत्यमोहन जोशीया किपा सगरमाथाय् थ्यंकेगु आज्जु तकं ज्वना आरोहन यानाच्वनादिम्ह कल्पना महर्जनं बुदिंया लसताय् थुकथं भिन्तुना देछानादीगु खः ।

शिक्षापाखें बालविवाह उन्मूलन अभियान ज्वना कल्पना महर्जन थुगुसिया सगरमाथा आरोहण यानाच्वनादीगु दु । यल महानगरपालिकां सत्यमोहन जोशीया सछि दँ हना ज्याझ्वलय् यल महानगरपालिकाया ध्वाँय् व सत्यमोहन जोशीया किपा सगरमाथा थ्यंकेगु आज्जू कयातःगु दुसा । थुगु आज्जू महर्जनं पुवंकेत्यंगु दु ।

आज ललितपुर बकुम्बहाल निवासी वाङमय शताब्दी पुरुष महाबिध्यावारीधी डा सत्यमोहन जोशी बाजेको १००औ जन्मोत्सवको पावन अवसरमा सगरमाथा क्षेत्रबाट सगरमाथा आरोही तथा कल्पना महर्जनले पठाउनु भएको शुभकामना सन्देश। कल्पनाले बाजेको फोटो अन्कित झन्डा सगरमाथाको शिखरमा फहराउनेछिन। खराब मौसमका कारण कल्पना लगायत सबै आरोहीहरु शिखर चुम्ने आशामा कुरीरहेका छन।बाजेको सुस्वास्थ्य, दिर्घायु तथा मंगलमाया शुभकामना।
Posted by Kalpana Maharjan - Back To Everest: A Campaign Against Child Marriage on Sunday, May 12, 2019
Share on Google Plus

News: Newa News

    छ्याता
    फेसबुक छ्याता