नेवाः न्ह्यलुवाः पद्मरत्न तुलाधरया सोमवाः न्हिनय ४ ता इलय् तःधिकःम्ह काय् सुजन तुलाधरं मिँ तःगु दु ।
मदुम्ह तुलाधरयात छेँ लाजिम्पातय् सुथः ९ ता इलं निसें १ ता तक श्रद्धाञ्जली देछाय्त इ ब्यूगु खःसा वयां लिपा शवयात्रा पिकाःगु खः । लाजिम्पातं शोभाभगवतीइ च्वंगु कर्णदीपय् शवयात्रा हःगु खःसा द्वलंद्व मनुतय्गु ब्वति दुगु खः ।
दाहसंस्कारया झ्वलय् राष्ट्रिय सलामी कथं सशस्त्र प्रहरी बलया टुकडी सम्मान अर्पण याःगु खः ।
दीपय् मदुम्ह तुलाधरयात अन्तिम श्रद्धाञ्जलिया नितिं उपराष्ट्रपति नन्दबहादुर पुन, पुलांम्ह सभामुख ओनसरी घर्तीमगरलिसें थीथी राजनीतिक दलया नेता कार्यकर्ता, थीथी खलः पुचःया प्रतिधिपिं लिसें नेवाः ख्यःया न्ह्यलुवाः व नेवाः कार्यकर्तापिनिगु उपस्थिति दूगु खः ।
नेपाल संवत आन्दोलनया प्रणेता, आदिवासी जनजाति आन्दोलनया अभियन्ता नापं बरिष्ठ मानवअधिकारवादी नेता मदुम्ह तुलाधरया जातःया ऐतिहासिक महत्व दुगुलिं सुरक्षित यानातयेत आशासफू कुथि लःल्हाःगु दु ।
मस्तष्कघाटया हुनिं अाइतबाः न्हिनय् २ ता इलय् नर्भिक अस्पतालय् मदुम्ह तुलाधरयात अाइतबाः हे लाजिम्पातया निजि विवासय् यंकुगु खः ।
0 Comments:
Post a Comment