न्हूदँया लसताय् झिनिक्वगु न्हूदँ हाइलाइट


रेडियाे उपत्यका ८७.६ मेगाहर्जया न्ह्यब्वया कथं झिनिक्वगु न्हूदँ हाइलाइट ११३९ जुइत्यंगु दु । कार्तिक २२ गते नेपाल संवत ११३९ न्हुदँ क्यंगु लसताय् रेडियाेस विशेष ज्याझ्व याना न्हूदँ हाइलाइट याय्त्यंगु खः । नेपालभाषा ज्याझ्वः न्ह्याकामिपिनिगु कुतलय् नेसं ११२७ (विसं २०६३) निसें न्हूदँ हाइलाइट न्ह्यानाच्वंगु ज्याझ्व प्रमुख प्रज्वल शाक्यं न्ह्यथनादिल । शाक्यया न्ह्यथना कथं उगु दिं सुथः ५ ता र्इ निसें बहनी १० र्इ तक नेपाल भाषा लिसे सम्बन्धित जुया थीथी ज्याझ्वःत न्ह्याय्त्यंगु दु ।

सुथः ५ ता र्इ निसें ६ ता र्इ तक नेपालभाषां नेपाल संवतया धार्मिक महत्वया ब्याख्या जुइगु, ६ निसें ७ तक साँस्कृतिक महत्वया विषयलय् खँल्हाबल्हा जुइगु, ७ निसें ८ तक थीथी थासय् जुइगु न्हूदँया ज्याझ्वया धलः पितबीगु, ८ निसें न्हिनय् १२ तक थीथी थासं प्रत्यक्ष प्रशारण यायेगु, अथेहे १२ निसें बहनी १० तक नेपालभाषां नापं नेपालीभाषं थीथी सवाः न्ह्यब्वइगु जुगु दु । रेडियाे उपत्यकां थुगुसी युगवाणी मिडिया नेटवर्कनापया सहकार्यय् स्वनिगलं पिने नं न्हूदँ हाइलाइट प्रशारण यायेगु ताःतुनाच्वंगु शाक्यं न्ह्यथनादिल । रेडियाे उपत्यकाय् सञ्चारकमिपिं सर्मिला सुवाल, विगेन तुलाधर, निर्मल बज्राचार्य, रत्नतारा ताम्राकार, लजना मानन्धर, कविता श्रेष्ठ, सागर महर्जन, बिकास माली व गाेपाल प्रधानपिंसं नेपालभाषा ज्याझ्वः न्ह्याकाच्वंगु दु ।

रेडियाे उपत्यका सामाजिक संस्था नारायण परिवार क्लबपाखें संचालित येंया न्हापांगु सामुदायिक एफएम खः । स्वनिगलय् रेडियाे उपत्यका ८७‍.६ मेगाहर्ज व देन्यंकं नापं हलिमय् युगवाणी नेटवर्कं, www.yugbani.com, www.radioupatyaka.com.np व Facebook Live प्रशारण जुइत्यंगु दु । 
Share on Google Plus

News: Newa News

    छ्याता
    फेसबुक छ्याता