गोर्जियस एटायर शो २०१८ थ्व हे २३ चैतय् जुइत्यंगु दु । थौं छगु पत्रकार सम्मेलन याना थुकिया बारे जानकारी ब्यूगु दु । गोर्जियस इन्टित्यूट अफ फेसन टेक्नोलोजी (गीफ्ट)या ग्वसालय् क्लबमाण्डु इन्टरटेन्मेन्टया व्यवस्थापनय् थुगु फेसन शो यलया ग्वार्कोय् च्वंगु १९९९ एडिइ जुइत्यंगु खः ।
थुगु फेसन शोयात कोरियोग्राफी म्यानहण्ट २०१२ सनिश शाक्यं यानाच्वंगु दु । मुक्कं २६म्ह मिज व मिसा मोडलतय्सं डिजाइनरतय्गु वसः पुना क्यनेत्यंगु शाक्यं न्ह्यथनादिल । थुगु शोपाखें डिजाइनर व मोडलतय्सं बांलागु शीक्षा काय् खनिगु वय्कलं न्ह्यथनादिल ।
शोलय् मू पाहाँ कथं संकिपा नायक नापं लोकंह्वाम्ह कलाकार सरोज खनाल झायादिगु व विशेष पाहाँ कथं लोकंह्वाःपिं गायकपिं कर्ण दास, बबिन प्रधान, भीम तुलाधर, दिपक बज्राचार्य अथेहे नांजाम्ह फोटोग्राफर राजभाइ सुवाल वइगु जानकारी ब्यूगु दु । फेसन शोलय् जुइगु थीथी जानकारी क्लबमाण्डुया प्रमुख प्रज्वल शाक्यं न्ह्यथनादिल ।
थुगुसि प्यंगुगु ब्व कथं न्ह्यब्वय्त्यंगु फेसन शोलय् गीफ्टया डिजाइनरं तय्सं थःथःगु प्रतिभा न्ह्यब्वइगु व डिजाइनर त स्नातक जुइगु गीफ्टया निर्देशक नव नायिका शोभा महर्जनं न्ह्यथनादिल ।
शोलय् मिजंपिनिगु नितिं एलिगेन्ट तेलरिङ्ग सेन्टरं थःगु डिजाइनत क्यनेत्यंगु दु ।
0 Comments:
Post a Comment