नेवाः देय् दबूया निर्वाचन न्ह्यात । नायः पदया नितिं सहमतिइ वय् मफुसेंलिं निवर्तमान नायः नरेश ताम्राकार व पुलाम्ह महासचिव पवित्र बज्राचार्य दथुइ नायः पदया नितिं चुनाव जूगु दु ।
अथेहे प्रदेश नं ३ य् न्वकु पदया नितिं लागु न्याम्ह उम्मेदवार उर्मिला डंगोल, चन्द्रलाल राजभण्डारी, विजयप्रकाश तण्डुकार, विजयरत्न बज्राचार्य व रजनी महर्जनया दथुइ धेंधेंबल्ला जुयाच्वंगु दु ।
प्रदेश नं १, २, ४, ५, ६ व ७ य् धासा निर्विरोध रुपं कृष्ण उदास, शंकरराम श्रेष्ठ, शंकरनारायण श्रेष्ठ, दिपक कुमार श्रेष्ठ, मिलन श्रेष्ठ व एक कुमार श्रेष्ठ न्वकु पदय् निर्वाचित जुइ धुंकुगु दु ।
खुल्ला पाखे धासा १७ म्ह मिजं व ९ म्ह मिसा सदस्य पदया नितिं धेंधेंबल्ला जुयाच्वंगु दु । खुल्ला पाखे ६ म्ह मिजं व ६ म्ह मिसा सदस्य या प्रावधान दु ।
अथेहे प्रदेश नं १, २, ४, ६, ७ य् सदस्य कथं कमल श्रेष्ठ, घनश्याम श्रेष्ठ, देवेन्द्र कुमार श्रेष्ठ, खगेन्द्र बहादुर श्रेष्ठ व विकास श्रेष्ठ निर्विरोध त्यागु दुसा प्रदेश नं ३ व ५ या नितिं जक प्रदेश सदस्य निर्वाचन जुइत्यंगु दु ।
निर्वाचन समितिया संयोजन जयकुमार श्रेष्ठं यानाच्वनादिगु दु ।
निर्वाचनय् मुक्कं ४०५ म्ह मतदातापि ब्वति कयाच्वंगु दु ।
0 Comments:
Post a Comment