ज्यापू दिवसया मंका सहलह मुंज्या


येँ, ११३७ कछलागा पंचमी, २०७३ मंसिर ४ 

श्री कमलादी गणेश जम:मि गुठी  त्वा: खलया संयोजकत्वय झिन्स्वक्वगु राष्ट्रिय ज्यापू दिवस समारोह समिति ११३७ या मंका सहलह मुंज्या जुगु दु ।


कमलादी गनेद्य या थाय जुगु ज्यझ्वलय थ्व हे वैगु यमरी पुन्ही कुन्हु न्यायेकेत्यंगु ज्यापू संस्कृति विकास कोषया संरक्षक पुलाम्ह राज्य मन्त्रि तिर्थ राम डंगोल या मूँ पाहाँसुइ न्ह्यागु ज्यझ्वले ज्यापू दिवस कुन्हु न्ह्याइगु बृहत संस्कृतिक र्याली व समारोह झ:झ: धयेक हनेया नितिं येँ महानगर दुनेया ६३ त्वा खल नाय, गुरु, कजी नाप मंका सहलह मुज्या ज्याझ्व: जुगु दु।


ज्याझ्व: त्वा: नाय राम महर्जन या सभापतित्वय जुगु खसा पाहाँ कथं जम:त्वा या नाय: कुल मान महर्जन, मू गुरु मच्छे नारायण महर्जन, कजि तिर्थमान महर्जन, ज्यापू संस्कृति विकास कोषया निमित्त नाय: नापं मखं त्वा या नाय: मंगलकृष्ण सिं झिंनिक्व:गु राष्ट्रिय ज्यापु दिवस ११३६ या संयोजक तिर्थमान महर्जन, श्री ज्यापू महागुथी नाय: सन्तु महर्जन, ज्यापू दिवस संस्थापक संस्था नारायण परिवार क्लबया निबर्तमान नाय: प्रचण्ड मान बज्राचार्य, ज्यापू महगुथि, केन्द्रिय कमिटि नाय: राजभाई जक:मि, ज्यापू महगुथि, येँ महानगर नाय: बाबुराजा महर्जन नापं जम: मिसा: पुचया नकिं मयेजु बिमला महर्जनयात ब्वना त:गु  ख: ।


समिति या सह संयोजक रबिन महार्जनं  झिन्स्वक्वगु राष्ट्रिय ज्यापू दिवस ११३७ या जानकारी बिउसें लासकुस न्वचु बिउगु ख:सा मेम्ह सह संयोजक द्वारिका महार्जनं सुभाय देछागु ख: । थि थि वक्तापिंस  न्ववाय धुंका ज्याझ्व: नाय: पाखें सुभाय व सभा बिसर्जन जुगु ख: ।




किपा : बिगेन तुलाधर 
Share on Google Plus

News: Newa News

    छ्याता
    फेसबुक छ्याता