येँया क्लिनीक व फार्मेसीइ अनुगमन



येँ, ११३७ कछलागा  चौथि , २०७३ मंसिर ३ 

उसाँय् मन्त्रालयया अनुगमन पुचलं थौं येँया क्लिनीक व फार्मेसीइ अनुगमनयात निरन्तरता ब्युगु दु । थौं अनुगमन पुचया छगु पुच कालीमाटी व मेगु पुच कलंकी लागाय् वनिगु व्यवस्थापन महाशाखाया उप–स्वास्थ्य प्रशासक डा. रामराज पन्थीं न्ह्यथनादिल ।

अनुगमन पुचलं येँ दर्ता हे मयासे सञ्चालन जुयाच्वंगु व दर्ता जुया नं नवीकरण मजुगु क्लिनिकयात तालाबन्दी यानावयाच्वंगु दु ।

उसाँय्मन्त्री गगनकुमार थापाया विशेष पहलय् येँ व यलय् वंगु अनुगमन पुचलं थ्व न्ह्यः प्यन्हुया अनुगमनया झ्वलय् आतक ३० गु क्लिनिकत अवैध लुगु व छगुलि तालाबन्दी तकं यागु दु ।

उप–स्वास्थ्य प्रशासक पन्थीया नेतृत्वय् वंगु पुचलं येँंय् व अनुगमन व मुल्याङ्कन महाशाखाया उपसचिव भवनाथ कोइरालाया नेतृत्वया पुच यलय् अनुगमनया नितिं सक्रिय जुगयाच्वंगु दु ।


Share on Google Plus

News: Newa News

    छ्याता
    फेसबुक छ्याता