बौद्धनाथ चैत्य प्राण प्रतिष्ठा


येँ, ११३७ कछलागा  चौथि , २०७३ मंसिर ३ 

बौद्धनाथ लागा विकास समितिं थौं निसें ५ गतेतक बौद्धनाथ चैत्यमा विशेष पूजा यायेत्यंगु दु । बौद्धनाथ चैत्यया जीर्णोद्धार क्वचायेधुंका प्राण प्रतिष्ठा व पाठ नापं मेगु पूजा यायेत्यंगु खः ।

बौद्ध दर्शनया महायान व बज्रयान सम्प्रदायया विशिष्ट धर्मगुरु व बौद्ध विद्वान नापं सम्बन्धित धर्मावलम्बीया ब्वति दुगु ज्याझ्वलय् बौद्धनाथ लागा विकास समितिका नायः सम्पुर्णकुमार लामां न्हयथनादिल ।

वंगु दँया वैशाखय् ब्वःगु भ्वखाचं क्षति जुगु बौद्धनाथ चैत्य थीथी दातृ सङ्घसंस्थां स्रोत सङ्कलन याना जीर्णोद्धार पुवंकुगु खः ।

थ्वदथुइ विश्व सम्पदा सूचीइ सूचीकृत चैत्यया थ्व हे मङ्सिर ७ गते प्रधानमन्त्रीं उलेज्या यायेगु ज्याझ्व तकं तःगु दु । उलेज्या ज्याझ्वया नितिं श्रीलङ्का, म्यान्मा, थाइल्यान्ड नापं देःया राजदूत व कूटनीतिक व्यक्तित्वयात ब्वने धुंकुगु समितिया नायः लामां न्ह्यथनादिल । 
Share on Google Plus

News: Newa News

    छ्याता
    फेसबुक छ्याता