भ्वखाचं प्रभावित १४ जिल्लाय् त्वनेगु लःया योजना


येँ, ११३७ कछलागा तृतीय, २०७३ मंसिर २

मकवानपुरय् भ्वखाचं स्यंगु त्वनेगु लः व सरसफाइया लागाय् ज्या न्ह्याःगु दु । भ्वखाचं पूवंक व आंशिक क्षति जुगु १४ गु जिल्लाया ८०० त्वनेगु लःया योजना देकेज्या मकवानपुरं न्ह्याकुगु दु ।

सरकारी स्वामित्वय् दुगु गाँया त्वनेगु लः व सरसफाइ कोष विकास समितिं भ्वखाचं प्रभावित जिल्लायात लक्षित याना त्वनेगु लः व सरसफाइया लागाय् क्षति जुगु फुक्क संरचना देकेज्या न्ह्याकुगु खः ।

न्हापागु चरणय् समितिं ४६८ गु त्वनेगु लः योजना क्वचायेका छुँ ई लिपा ल्यंदुगु योजनाया ज्या न्ह्याकेगु समितिया निर्देशक भूपेन्द्र अर्यालं न्हयथनादिल ।

त्वनेगु लःया योजना नापं समितिं फुक्क छेँय् पाइखाना, त्वनेगु लःया हिति नापं सार्वजनिक निकाय गाविस, नगरपालिका, उसाँय् संस्था, ब्वनेकुथि व सामुदायिक भवनय् नं त्वनेगु लः व सरसफाइ पूवंक ज्या यायेगु कार्यकारी निर्देशक अर्यालं न्ह्यथनादिल ।

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment