क्युवाया मदुम्ह पूर्व राष्ट्रपति फिडेल क्यास्ट्रो मदुगुलिं गुन्हुया राष्ट्रिय शोक घोषणा


ने.सं ११३७ कछलागा त्रयोदसि, २०७३ मङ्सिर १२ 

क्युवाया मदुम्ह पूर्व राष्ट्रपति व कम्युनिष्ट आन्दोलनया नेता फिडेल क्यास्ट्रो मदुगुलिं गुन्हुया राष्ट्रिय शोक घोषणा याःगु दु । नापं शोकया इलय् राष्ट्रिय ध्वाँय् बच्छि क्वछुइकिगु जुगु दु ।

९० दँया वैसय् पूर्व राष्ट्रपति क्यास्ट्रो म्हिगः मदुगु खः । क्यास्ट्रोया सीम्हःयात थौं राजधानी हवानाय् निजी समारोहया दथुइ लिपांगु संस्कार यायेत्यंगु दु ।

क्यास्ट्रों बागु शताब्दी अर्थात ५० दँ क्युवाया सत्ता कःघागु खः । क्यास्ट्रो सन् १९५९ निसें १९७६ तक क्युवाया प्रधानमन्त्री व सन् १९७६ निसें २००८ तक क्युवाया राष्ट्रपति जुगु खः ।

अमेरिकी राष्ट्रपतिइ निर्वाचित रिपब्लिकन डोनाल्ड ट्रम्पं क्यास्ट्रो क्रुर तानाशाह जुगु न्ह्यथंगु दु । तर हलिंया थीथी देःया नेतातयेसं नींक्वगु शताब्दीया उत्कृष्ट नेता धासें क्यास्ट्रोयात लुमंकुगु दु ।

Share on Google Plus

News: Newa News

    छ्याता
    फेसबुक छ्याता

0 comments:

Post a Comment