अस्ट्रेलियाली दूतावासं २ द्व नेपामि ब्वनामीया प्रक्रिया स्थगित

 

उच्च शिक्षा अध्ययनया नितिं अस्ट्रेलिया वंपिं नेपामि ब्वनामीत मखुगु ऋणया भ्वं देकुगु धासें न्हुगु दिल्ली स्थित अस्ट्रेलियाली दूतावासं मुक्कं २ द्व नेपामि ब्वनामीया प्रवेशाज्ञा आवेदन प्रक्रिया स्थगित यागु दु ।

न्हुगु दिल्लीस्थित दूतावासं अस्ट्रेलियन विश्वविद्यालययात पौ छ्वया उगु विश्वविद्यालय स अध्ययन याइपिं ब्वानामिया पक्रिया रद्ध यायेत तकं पत्राचार यागु दु । अस्ट्रेलिया वनेत ब्वानामी तयेसं मुक्कं १ लख तका खर्च याना भिसा प्रक्रिया न्ह्याकुगु ख: ।

नेपालय दुगु बैंकं स्ट्यान्डर्ड पुमवंकुसें यथे ऋणको भ्वं देकुगु न्ह्यथंसें अस्ट्रेलियन दूतावासं भिसा प्रक्रिया रद्ध यायेगु तयारी यागु दु । दूतावासया तथ्यांककथं मुक्कं २ द्व ब्वानामिया प्रक्रियाया विषयलय अध्ययन जुयाच्वंगु दु ।

नेपालं अस्ट्रेलिया ब्वनेत वनिपिं ब्वानामी अप्वसेंली बैंकं तकं यत्थे ऋणया भ्वं देकुसेंली समस्या अप्वगु स्रोतं न्ह्यथंगु दु ।

बैंकया विषयलय शंका अप्वसेंली दूतावासं तत्कालया नितिं फुक्क ब्वनामिया भिसा प्रक्रिया स्थगित यागु दु । दूतावासं नविल, एसबीआईलगायत बैंकं जक भ्वं तयार ययेत इनाप यागु दु ।
Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment