नेकपा माओवादीया अध्यक्ष मोहन वैद्यं बन्दयात अझ तच्वय्केगु न्ह्यथंगु छुं ई लिपा सर्वसाधारण गःगु माइक्रोबसय् पेट्रोल बम प्रहार जुगु दु । बालाजुपाखें महाराजगञ्जपाखे वनाच्वंगु बा १ ज ९८९१ नम्बरया माइक्रोय् बम प्रहार जुया ९ म्ह घापा जुगु दु । घापा जुपिं माइक्रोया चालक व यात्रुत खः ।
बन्दया प्यखेरं अवज्ञा जुसेंलि माओवादीं हिंसात्मक घटनायात अप्वेकुगु खः ।
घापा जुपिं मध्य ४ म्ह मिजं, ३ म्ह मिसा व १ म्ह मिसामचा लागु प्रहरीं न्ह्यथंगु दु । इमिगु उपचारया लागि धापासी स्थित ग्रान्डी अस्पताल यंकुगु दु । अस्पतालया मेडिकल डाइरेक्टर चक्रराज पाण्डेया कथं घापा जुपिनि गःपः, ख्वाः व ल्हातुती सामान्य पूगु दु । इमिगु अस्पतालया बर्न वार्डय् उपचार जुयाच्वंगु दु ।
मेम्ह घापा राजकुमार सत्यालयात उपचारया नितिं विनायक अस्पताल यंकुगु महाराजगञ्ज प्रहरी वृतया इन्स्पेक्टर किशोर लम्सालं न्ह्यथंगु दु । ३ म्हसिया पुचले वगु माओवादी कार्यकर्तां माइक्रोय् बम प्रहार याना बिसिउवंगु प्रहरीं न्ह्यथंगु दु ।
घापापिं ड्र«ाइभर नुवाकोटया रामबहादुर थापा, यात्रुत ध्वजसिंह विष्ट, अप्सरा बस्नेत, सानुबाबु बस्नेत, मञ्जु पन्त, विनोदबहादुर चन्द, नितु श्रेष्ठ व वय्कया ४दँत्या दुम्ह म्ह्याय् मञ्जु खः ।
0 Comments:
Post a Comment