सुडान द्वन्द्व न्ह्याःगु छवा दुने १२ लखस्वयां अप्व मनुत थःगु छेँ नं विस्थापित जूगु संयुक्त राष्ट्रसङ्घीय मानवीय सहायताकर्मीं न्ह्यथंगु दु ।
संयुक्त राष्ट्रसङ्घीय मानवीय मामिला समन्वय ज्याकु (ओसीएचए)या अन्तर्राष्ट्रिय आप्रवासन सङ्गठन (आईओएमं) स्थलगत पुचपाखें वःगु प्रारम्भिक प्रतिवेदनया आधारय् थःगु तथ्याङ्क तयार याःगु खः ।
विश्व खाद्य ज्याझ्वः (डब्ल्यूएफपीं) खार्तुम लागाय् ग्वाहाली न्ह्याकुगु दु । डब्ल्यूएफपीं ओमदुरमानय् काःपिं थ्यंमथ्यं १५ द्व मनुतयेत आपतकालीन नसा नकेगु ज्या याःगु दु ।
सुडानय् डब्लुएफपीं वंगु लछि निसें ७ गु लख ८२ द्वस्वयां अप्व मनुयात खाद्य तथा पोषण ग्वाहालि ब्यूगु मानवीय सहायता ज्याकुथीं न्ह्यथंगु दु । डब्ल्यूएफपीं सुडानय् आधारभूत स्वापु चुनौतीपूर्ण जूगु थासय् संयुक्त राष्ट्रसङ्घया दक्व निकायत व व्यापक मानवीय समुदाययात आपतकालीन दूरसञ्चार सेवात नं प्रदान यानाच्वंगु दु ।
संयुक्त राष्ट्रसङ्घीय जनसङ्ख्या कोषं अल–जजिराया वाद मेदानी च्वंगु प्रसूति गृहयात जीवनरक्षक वास व प्रजनन स्वास्थ्य सामग्री उपलब्ध याकेत ओसिएचएं न्ह्यथंगु दु ।
एएफपी
0 Comments:
Post a Comment