सरकारं धरानय् एकीकृत खानेपानी योजना निर्माणया नितिं बजेट विनियोजन याःगु दु ।
वैगु आर्थिक वर्षया बजेट भाषण यासें अर्थमन्त्री डा प्रकाशशरण महतं थुकिया लागि बजेट विनियोजन याःगु न्ह्यथंगु खः ।
थ्व न्ह्यः धरानय् मेयर हर्क साम्पाङं धरानबासीयात लः त्वंकेगु धासें उगु एजेण्डाया बलय् स्थानीय चुनाव त्याःगु खः ।
व्येकलं थःगु अभियानय् ग्वाहालि यायेत संघीय सरकारयाके बजेट फ्वना वयाच्वंगुलिं सरकारं बजेटय् व्यवस्था याःगु दु ।
धरानय् मेयर साम्पांगं लःया नितिं श्रमदान याकावयाच्वंगु दु ।
0 Comments:
Post a Comment