ह्यगृब भैरबनाथ व ३२ पानेजु संघं थुगुसि किपुया प्यंगःथामय् प्रसाद मयंकिगु जुगु दु ।
प्यंगःथामय् बुंगद्यःया प्रतिमूर्ति व याकः मिसाया मूर्ति दयेका प्रतिस्थापना याःगु विरोधय् प्रसाद मयंकेगु घोषणा याःगु खः । किपुया सुखी गःछें समाज टोल समितिं १५ मंसिर, २०७९ य् मूर्ति स्थापना याःसेंलि ह्यगृब भैरबनाथ तथा ३२ पानेजु संघं लिखित असहमति प्वंकुगु खः ।
पानेजु संघया लिखित सहमति मदयेकं आःतक मूर्ति मदुगु बुँगद्यःइा प्रतिनिधिपात्र जलपानेजुं दँय् दसं थतिटोलनिसें याकःमिसायात प्रसाद ग्रहण याकेमाःगु जीवित परम्पराया विरुद्ध मूर्ति स्थापना जूसेंलि प्रसाद मयंकेगु संघं क्वःछ्यूगु नायः यज्ञरत्न शाक्यं न्ह्यथनादिल ।
संघं वंगु २ पुसय् मुँज्या च्वना किपु प्यंगःथामय् बुँगद्यःया प्रतिमूर्ति व याकः मिसाया मूर्ति दतले प्रसाद ग्रहण यायेगु ज्या बन्द यायेगु क्वःछ्यूगु खः ।
0 Comments:
Post a Comment