मांया ख्वाः स्वयेगु दिं थौं न्यायेकाच्वंगु दु ।
दँयेदसं चौलागा औँसीया दिनय् मांयात सम्मान याना मांया ख्वाः स्वयेगु दिं न्यायेकि ।
मांयात साःसाःगु नसा नका श्रद्धा भक्तिनापं थूगु पर्व न्यायेकि ।
मांयात श्रद्धा, भक्ति, सम्मान व आदर यायेत व आशिर्वाद कायेत थूगु पर्व न्यायेकेगु शास्त्रीय परम्परा दु ।
मां मदुपिंसं तर्पण वा पिण्ड वा सिदादाननापं भोजन याका मां व वयेकःया महान् नापं कष्टकर ज्या लुमंकेगु याइ ।
सनातन वैदिक शास्त्रय् फुक्कस्यां जीवनय् देवऋण, मनुष्यऋण व पितृऋण पुलेमाःगु न्ह्यथनातःगु दु । वैदिक सनातन धर्म ग्रन्थय् ‘जननी जन्मभूमिश्च स्वर्गादपि गरियसी’ अर्थात् जन्म ब्यूम्ह मां र जन्मभूमि स्वर्गस्वयां च्वय् व मतिनां जाःगु न्ह्यथनातःगु दु ।
0 Comments:
Post a Comment