नेपालं बिल भारतीय कम्पनीया कोरोना खोप कोभिसिल्डयात अनुमति, प्यला दुने वैगु विश्वास


भारतीय कम्पनी सेरम इन्स्टिच्युटं देकुगु ’कोभिसिल्ड’ नांया कोरोनाविरूद्धया खोपयात नेपालय् आपतकालीन छ्यलाबुलाया नितिं अनुमति ब्यूगु दु ।

औषधी व्यवस्था विभागया शुक्रबाःया मुँज्यां थूगु अनुमति ब्यूगु खः ।

सरकारं कोरोना भाइरसविरुद्धया खोप छ्यलेत अनुमति ब्यूगु थ्व न्हापांगु खोप खः ।

हलिंया दकलय् तःधंगु वासः व खोप उत्पादक भारतीय कम्पनी सेरम इन्स्टिच्युटं अक्सफोर्ड विश्वविद्यालय व अस्ट्राजेन्कां देकुगु खोप भारतय् देकाच्वंगु दु । थूगु खोप भारतय् शनिबाः निसें भारतीय नागरिकयात तयेकेत्यंगु दु ।

सरकारं निजी लागायात नं खोप आयात यायेत अनुमति ब्यूगु दु ।

सरकारं कोभ्याक्सअन्तर्गत न्हापांगु लटय् ३ प्रतिशत खोप वय् लिबाःसा थःम्हं न्यानासां खोप याकनं हयेगु न्ह्यथंगु दु । कोभ्याक्सअन्तर्गतया न्हापांगु लटया ३ प्रतिशत खोप थूगु दँया न्हापांगु चौमासिकय् वैगु विश्वास दु ।


Share on Google Plus

News: Newa News

    छ्याता
    फेसबुक छ्याता