पूर्वप्रधानन्यायाधीश व पूर्वसभामुखयात लिखित लिसः हयेत उजँ


अदालतया अवहेलनासम्बन्धी मुद्दाय् सर्वोच्च अदालतं प्यम्ह पूर्वप्रधानन्यायाधीश व पूर्वसभामुख दमननाथ ढुंगानानाप लिखित लिसः फ्वंगु दु ।

बिहीबाः न्यायाधीश मनोजकुमार शर्माया एकल इजलासं पूर्वप्रधानन्यायाधीश मीनबहादुर रायमाझी, अनुपराज शर्मा, कल्याण श्रेष्ठ व सुशीला कार्की अथेहे पूर्वसभामुख ढुंगानायात ७ न्हु दुने लिखित ज्वना थःपिं हे वयेमाःगु न्ह्यथंगु दु ।

पूर्वप्रधानन्यायाधीशहरुविरुद्ध अधिवक्ता धनजीत बस्नेत व लोचन भट्टराईं ब्यागलं ब्यागलं अवहेलना मुद्दा दर्ता याःगु खः । अथेहे पूर्वसभामुख ढुंगानाविरुद्ध अधिवक्ता राजाराम घिमिरें मुद्दा दर्ता याःगु खः ।

४ म्ह पूर्वप्रधानन्यायाधीशं संसद विघटन असंवैधानिक धका मंका विज्ञप्ति जारी याःगु खः । अथेहे पूर्वसभामुख ढुंगानां सतकं न्यायाधीश सालेगु दिं मवयेमा धका टिप्पणी यानादीगु खः ।


Share on Google Plus

News: Newa News

    छ्याता
    फेसबुक छ्याता