सा‌ंसद जीवनराम श्रेष्ठ मस्कट प्रस्थान


नेपाल ओलम्पिक कमिटीया नायः प्रतिनिधि सभा सांसद जीवनराम श्रेष्ठ व महासचिव निलेन्द्रराज श्रेष्ठ एसियाली ओलम्पिक कमिटी (ओसीए) या ३९ क्वःगु साधारण सभाय् ब्वति कायेत आइतबाः ओमानया मस्कट प्रस्थान याःगु दु । 

साधारण सभाया झ्वलय् सन् २०३० या एसियाली कासाया ग्वसा ग्वइगु थाय् या ल्ययेज्या जुइत्यंगु दु ।  साउदी अरेबियाया रियाद व कतारया दोहादथुइ २१ क्वःगु एसियाली कासा ग्वसाग्वयेया नितिं धेंधेंबल्ला जुयाच्वंगु दु। मतदान न्ह्यः नेपाःया पुचलं साउदी ओलम्पिक कमिटीया नायः अब्दुलाजिज बिन टुर्कि अल फैजल अब साउद व कतार ओलम्पिक कमिटीया नायः सेख तमिम बिन हमाद अल थानीनाप ब्यागलं ब्यागलं खँल्हाबल्हा यायेत्यंगु दु । 

अन्तर्राष्ट्रिय ओलम्पिक कमिटीया नायः थोमस बाखया ब्वःति दैगु साधारण सभाय् साउदी व कतारी ओलम्पिक कमिटीं सन् २०३० या एसियाली कासा ग्वसाग्वयेगु दाबीबारे न्ह्यब्वयादी । उकि ओसीसीया मूल्यांकन कमिटीं प्रतिवेदन न्ह्यब्वइ । वयाँलिपा चुनाव जुइ व त्याम्हनाप धेंधेंबल्ला ग्वसाग्वयेगु बारे सम्झौता जुइ ।   

साधारण सभाया इलय् सान्यय् जुइगु खुक्वःगु बिच एसियाली खेलकुद, थाइल्यान्डय् जुइगु खुक्वगु एसियाली इन्डोर व मार्सल आर्टस खेलकुद, सान्तोउलय् जुइगु स्वक्वःगु एसियाली युवा खेलकुद व हाङझोउलय् जुइगु १९ क्वःगु एसियाली खेलकुदबारे सहलह जुइ । अथेहे ओसीए अन्तर्गतया थीथी कमिटीया प्रतिवेदन नं साधारण सभान्ह्यब्वइ । 

Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment