येँया असँ, वँघः नापं दुनेया वस्तीया बँ पसः चीकेगु अभियान ५० न्हु थ्यंगु इलय् फुटपाथ व्यापारीत आक्रमणय् कुहाँवःगुलिं थःपिं स्तव्ध जुयागु थूगु अभियान न्ह्याकाच्वंगु जागरुक युवा समूहं न्ह्यथंगु दु ।
थांैं प्रेस विज्ञप्ती जारी यासें पुचःया संयोजक चन्द्र महर्जनं अनधिकृत पसः चीकेत वैपिं खनकि बिस्यूवनीपिं व्यापारीत एकाएक प्रतिकारय् क्वाहाँवयेगु मानसिकता गनं वल धका न्ह्यसः तकं न्यनादिल ।
पुचलं कोरोना संक्रमणया जोखिमयात मध्यनजर याना वंगु ५० न्हुनिसें येँया दुनेया वस्तीइ फुटपाथ पसः चीकेगु अभियान न्ह्याकावयाच्वंगु दु । अस्तव्यस्त जुयाच्वंगु असँ, वँघः लागाय् पुचःया स्वयम्सेवक, नगर प्रहरी व नेपाल प्रहरी सुथः व बहनी लँ पसः चीका वयाच्वंगु दु ।
स्वयंसेवक वयेवं पसः चीकेगु व वनेवं पसः तयावयाच्वंपिं व्यापारीतयेसं वंगु शुक्रबाः धाःसा छक्वलं पुचःया स्वयमसेवकविरुद्ध प्रतिकारय् कुहाँवःगु खः । शनिबाः व आईतबाः ल्वाभः तकं ज्वना स्वयम्सेवकपिंत आक्रमण जूगु महर्जनं विज्ञप्ति पिकाना जानकारी बियादीगु दु ।
पुचःया दुजलं पसः तयेकुगु भ्रमपुर्ण प्रचार जूगु धाःसें पुचलं फुटपाथ पसलयात समर्थन मयाःगु व पसः तयेके मब्यूगु नं प्रष्ट याःगु दु । सतक लँय् जुइत खः व पुचःया सुं दुजलं पसः तयेके ब्यूगु स्यूसा पुचःया नियम कथं कारवाही यायेगु महर्जनं न्ह्यथनादीगु दु ।
0 Comments:
Post a Comment