दाङया घोराही उपमहानगरपालिका १८ या बेलघारी क्वारेन्टिनय् छगु जोडीया ब्याहा जूगु दु । घोराही १८ नवलपुरया २३ दँया कृष्ण वली व घोराही उपमहानगरपालिका ५ जवरपुरया २१ दँया सीता चौधरीं वंगल सिमा साक्षी तया ब्याहा याःगु दु । वडाअध्यक्ष भरतमणि अर्यालं वैदिक मन्त्रोच्चारण याना ब्याहा याकुगु खः ।
मिसा पक्षया सुं मदुसां मिजँ पक्षया छेँजः तया ब्याहा जूगु खः ।
कृष्ण व सीतादथुइ फेसबुकं म्हसिका कालबिल जूगु खः । कृष्ण भारतया नयाँदिल्लीया छगु होटलय् ज्या याइम्ह खःसा सीता दाङय् च्वंम्ह खः । इपिं दथुइ मतिना अप्वःसेंलि कृष्ण दाङ वःगु इलय् सीतायात भारत यंकुगु खः । भारतं लिहाँवयेधुंका २२ न्हु निसें क्वारेन्टिनय् च्वनाच्वंगु खः ।
कोरोना परीक्षण रिपोर्ट नेगेटिभ वयेधुंका इमि ब्याहा यानाब्यूगु खः ।
छ्याता
फेसबुक छ्याता