२९ जेठ, सरकारं स्वास्थ्य सुरक्षाया मापदण्डत पालना याना कृषि, उद्योग, ब्यापारय् लकडाउन छ्वासुकेगु निर्णय याःगु दु । बुधबाः लिबाक्क च्वंगु मन्त्रिपरिषद् मुँज्यां लकडाउन छ्वासुकेगु निर्णय याःगु खः । तर गबले निसें छु छु चायेके दैगु धैगु सुचं धाःसा थौं जक सार्वजनिक जुइ ।
स्वनिगः नापं जोखिम म्हो जूगु लागाय् जोर विजोर प्रणाली लागू याना सवारी सञ्चालन याइगु सम्भावना दु । लकडाउनया मोडालिटि सरकारं थौं सार्वजनिक यायेत्यंगु खः ।
ब्वनेकुथि, सिनेमा हल नापं यक्व भीडभाड जुइगु थाय् धाःसा थथें मचाइगु धाःगु दु ।
सरकारं चैत १० निसें अन्तराष्ट्रिय सीमा नाकाय् आवागमन दिका ११ गतेनिसें लकडाउन याःगु खः । लकडाउन जेठ ३२ तक तयातःगु दु ।
लकडाउन जुसां सरकारया छुं मोडालिटि मदुगुलिं व्यापारीतयेसं स्वतस्फुर्त रुपं पसः चायेके धुंकुगु दु । येँया न्यूरोडया व्यवसायीतयेसं पसः चायेके मब्यूगुलिं म्हिगः विरोधय् क्वाहाँ वःगु खःसा सरकारं मोडालिटि मह्यूसा आन्दोलनय् वनेगु अल्टिमेटम ब्यूगु खः । प्यखेरं दबाब वःसेंलि सरकारं अन्तत मोडालिटि हयेत्यंगु खः ।
छ्याता
फेसबुक छ्याता