शताव्दी पुरुष सत्यमोहन जोशी १०१ दँ थ्यंगु दु । कला, सँस्कृति व साहित्यय् योगदान याःम्ह जोशी वैशाख ३० गते मंगलबाः १०१ दँ जुयादीगु खः ।
वंगु दँ सछि दँ क्यंगु लसताय् यल महानगरपालिकां सार्वजनिक विदा तकं ब्यूगु खः । नापं महानगरपालिकां दछिन्यंकं थीथी ज्याझ्वः याना जन्म शताव्दी न्यायेकूगु खः । उपमेयर गीता सत्यालं लकडाउनया हुनिं छुँ ज्याझ्वः ग्वसा मग्वयागु न्ह्यथनादिल ।
वंगु दँ जोशीया सम्मानय् नगर परिक्रमा, रक्तदान, नगरपालिका दुने जेष्ठ नागरिकयात सम्मान नापंया ज्याझ्वः याःगु खः ।
छ्याता
फेसबुक छ्याता