प्यन्हु न्ह्यः नेपाः वःपिं निम्ह संक्रमित नापं नेपालय् कोरोना संक्रमितया ल्याः १०१ थ्यन


भारतया मुम्बई नं प्यन्हु न्ह्यः नेपाः वःपिं निम्हसिके म्हिगः बिहिबाः बहनी कोरोना संक्रमण पुष्टि जूगु दु । कपिलवस्तुुया मायादेवी गाउँपालिका ८ विजुवाया १६ व २२ दँया इपिं वैशाख २३ गते कपिलवस्तुया पकडी नाकाया दक्षिणपाखे खुला सीमानां नेपाः वःगु कपिलवस्तुया प्रहरी प्रमुख दीपशमशेर जबरां न्ह्यथनादिल ।
सुलासुला भारतीय सीमा जुया नेपाः दुहाँ वःपिं इम्त स्थानीयं मायादेवी गाउँपालिकाया तीर्थदेवी छत्रपाली माविया क्वारेन्टाइनय् तःगु खः ।

मेपिं प्यम्ह युवा नं नापं वःगु सुचं वःगु व मालेज्या जुयाच्वंगु कपिलवस्तु प्रहरी प्रमुख जबरां न्ह्यथनादिल ।
कपिलवस्तुया संक्रमित निम्ह युवायात बुटवल धागो कारखानाय् देकातःगु कोरोना विशेष अस्पतालया आइसोलेसन बेडय् यंके त्यंगु दु ।

इमि यात्रा विवरण व सम्पर्कय् वःपिं मनुया म्हसिका कया थौं निसें प्रहरी व स्वास्थ्यकर्मी परिचालन यायेगु सामाजिक विकास मन्त्रालयया स्वास्थ्य महाशाखा प्रमुख उमाशंकर चौधरीं न्ह्यथनादिल ।
कपिलवस्तुइ निम्ह संक्रमण पुष्टि जुइनापं प्रदेश ५ य् संक्रमितया ल्याः २३ थ्यंगु दु ।

Share on Google Plus

News: Newa News

    छ्याता
    फेसबुक छ्याता