परिक्षण २४८८, न्हूपिं संक्रमित २५, संक्रमित ४२७ थ्यन


परिक्षणया ल्याः अप्वःगु दु । वंगु २४ घौ दुने पिसिआर टेष्टया ल्याः २४८८ थ्यंगु दु । माक्व परिक्षण मजूसां आःतकया ल्याखय् दकलय् अप्व परिक्षण जूगु दु । परिक्षण अप्वःगु कथं न्हूपिं संक्रमित नं उलि हे लुयावःगु दु ।
थौं २५ न्हूपिं संक्रमित पुष्टि जूगु स्वास्थ्य तथा जनसंख्या मन्त्रालयं न्ह्यथंगु दु । थुकि ७ म्ह मिसा व १८ म्ह मिजँ संक्रमित जूगु खःसा ३ निसें ४८ दँयापिं खः । थ्व नापं संक्रमितया ल्याः ४२७ थ्यंगु दु । बाँके नरैनापुरय् ५म्ह मिजँ व खजुरापुरय् छम्ह मिसा, धनकुटाय् ५ म्ह, कपिलबस्तुइ १३ म्ह व नवलपरासीइ छम्ह न्हूम्ह संक्रमित पुष्टि जूगु खः ।
आःतक क्वारान्टाइनय् २३२०२ मनुत च्वनाच्वंगु दु ।

थौ. हे उदयपुरया ८ म्ह कोरोना संक्रमितपिं २९ निसें ३३ दिं तक अस्पतालय् च्वना वासः याकाच्वंपिं नेगेटिभ वःगुलिं डिस्चार्ज जूगु दु ।

Share on Google Plus

News: Newa News

    छ्याता
    फेसबुक छ्याता